Фалак ҳам аз нигоҳи ҳаҷм ва ҳам аз нигоҳи арзишу қимати бадеӣ, аз ҷумла беҳтарин мероси мусиқист, ки мо онро барҳак мусиқии шаклан озод ва таҷассумгари рӯҳи озод ва орзуву омоли халқи тоҷик меномем.

Эмомалӣ Раҳмон

Slide item 1

«Фалак»

Маҷмуи оҳангу таронаҳои силсилавии мардуми тоҷик буда, бештар дар навоҳии куҳистон маъмул аст, зеро марди кӯҳистонӣ аз дасткӯтоҳиву нодорӣ, нобасомониҳои рӯзгор ба танг омада, роҳ сӯйи кӯҳсор мегирифт ва рӯ ба осмон оварда, фарёд мезад, дарду ғам ва розу ниёзи худро тавассути «нолаву фарёди ҷигарсӯз» алайҳи бедодиву нокомиҳои замона ба додрас – офаридгори оламу одам ифшо менамуд.

Slide item 2

Фалак

Суруду навои Фалак ба рӯди мусаффои кӯҳӣ шабоҳат дорад, ки аз ҳазорон чашмаҳои поку зулоли аз синаи кӯҳсорон фавворазананда ибтидову роҳ ба сӯи водии дилҳо гирифтааст, то онро сабзу хуррам ва боғистони пургул гардонида, ба рӯҳу ҷони мо роҳату тавон бахшад.

Slide item 3

Фалаки даштӣ

Фалаки даштӣ шохаи қадимаи жанри мазкур буда, тарзи иҷроишаш аз фалаки роғӣ фарқ дорад, яъне фалаксаро дасти ростро ба бари гӯш бурда, онро бо садои баланди пурсӯзу изтироб ва бе ҳамсадоии мусиқӣ, озодона иҷро менамояд. Баъзан Фалаки даштиро фалаки ғарибӣ низ меноманд, зеро ангезааш ҳамеша андуҳ мебошад. Мусиқии Фалаки даштӣ ба тарзи бадоҳавӣ иҷро гардида, вазни озод ва сохтори беқолиб дорад. Матни он аз рубоиву дубайтӣ созмон ёфтааст.

Slide item 4

Фалаки роғӣ

Фалаки роғӣ аз рӯи шакл якқисма ва силсилавӣ (ду, чор ва панҷқисма) мешавад. Вобаста ба мавзӯъ, мазмун ва зарбҳои гуногуни мусиқӣ фалаки роғиро ба фалаки равонӣ, фалаки паррон, фалаки ғарибӣ, фалаки қаландарӣ, фалаки сафарӣ ҷудо менамоянд. Матнаш аз рубоӣ, дубайтӣ ва ғазал иборат аст.

Мақолаҳо

  • ФАЛАКСАРОЕ АЗ АВҶИ ФАЛАК (Бознашр аз маҷаллаи «Душанбе»)

    Давлатдманд Хол. Тасаввур намекунам, ки ин ном барои ҳамватане ноошно бошад. Зеро беш аз ним аср боз садои дилнишину таронаҳои рўҳбахшаш дар фазои ҳар як хонадони тоҷикистонӣ танинандоз аст. Ў…

  • О развитии традиции уфара «Фалака» в танце таджиков

    О развитии традиции уфара «Фалака» в танце таджиков

    В эпоху глобализации, когда развиваются процессы международного сотрудничества, расширяется поле культурного обмена, усиливается интерес к возрождению, сохранению и развитию самобытности музыкальных и танцевальных традиций, народное художественное творчество играет немаловажную роль…

  • Эътирозоти иҷтимоӣ дар қолаби сурудаҳои фалакӣ

    Эътирозоти иҷтимоӣ дар қолаби сурудаҳои фалакӣ

    Мусиқӣ ба унвони ҳунар аз қадимтарин замонҳо ҳамқадаму ҳамнафаси мардум буда, дар ғаму шодӣ, бурду бохт, муваффақияту нокомӣ ва дарду ранҷ инсон ва дар маҷмӯъ, мардумро шарикӣ кардааст. Инсон дар…

Тамос бо мо 

Хиёбони Рудакӣ, 33 Душанбе 734025, Ҷумҳурии Тоҷикистон

  • «Фалак» маҷмуи  оҳангу таронаҳои силсилавии мардуми тоҷик буда, бештар дар навоҳии куҳистон маъмул аст, зеро марди кӯҳистонӣ аз дасткӯтоҳиву нодорӣ, нобасомониҳои рӯзгор ба танг омада, роҳ сӯйи кӯҳсор мегирифт ва рӯ ба осмон оварда, фарёд мезад, дарду ғам ва розу ниёзи худро тавассути «нолаву фарёди ҷигарсӯз» алайҳи бедодиву нокомиҳои замона ба додрас – офаридгори оламу одам ифшо менамуд.

Дар бораи мо

«Фалак» – мусиқии суннатии касбии мардуми тоҷик мебошад, ки тӯли асрҳо ҳамчун ифодагари розу ниёз, талабу хостаҳои мардумӣ иҷрои вазифа кардааст. Дар суруди «Фалак», асосан, дубайтӣ ва ё рубоие интихоб мегардад, ки маънои фалсафӣ дошта, ифшогари розу ниёзи мардум бошад.

Суроғаи электронӣ

Бо мо дар тамос шавед бо суроғаи электронӣ