Фалак ҳам аз нигоҳи ҳаҷм ва ҳам аз нигоҳи арзишу қимати бадеӣ, аз ҷумла беҳтарин мероси мусиқист, ки мо онро барҳак мусиқии шаклан озод ва таҷассумгари рӯҳи озод ва орзуву омоли халқи тоҷик меномем.

Эмомалӣ Раҳмон

Тағоймурод Хушвақтов

  Ҳунарманди маъруф Тағоймурод Хушвақтов, ки миёни мардум бо номи Қории Ёвонӣ шуҳрат дорад, рӯзи 2-уми апрел 70-сола мешавад.  17 сол пеш бар асари сактаи қалб дар синни 53-солагӣ тарки олам кард. Шуҳрати беандоза дошт, шахсияти дар ҳунар беназир буд. Бино ба гуфтаи  Салоҳиддини Убайдулло, директорихонаи фарҳангу ҳунари ноҳияи Ёвон, ки худро аз шогирдони м арҳум медонад, Тағоймурод “аз модар як шахсияти комил ба дунё омадабуд, нобино буд, вале ҳиссиёти дарк карданродошт. Дарзмолро кушода тармим мекард ва баболои бом баромада тармим мекард. Якнафаро агар даҳ сол пеш дида бошад ҳам, бори дигар агар медид, аз садояш мешинохт. Агар баъди 10 сол медид, бидуни шунидани садояш ӯро мешинохт. Афсӯс, ки орзуҳояшро бо худбурд, мехост, ки таронаҳои бештаре иҷро кунад."

  Ҳофизи халқии  Тоҷикистон, Корманди  шоистаи маданияти ҷумҳурӣ Тағоймурод Хушвақтов 2-юми апрели  соли 1949 дар ноҳияи  Ёвон таваллуд шудааст. Парвардигор ба ў аҷаб қобилияте ато намуд, ки шеърро шунида зуд аз  ёд мекард, ба он оҳанг мебаст ва дилнишин месуруд.

Нобиноӣ дар ниҳодаш қувваи истеъдоду нерўи ҳофиза афзун сохт, дили бино, ақлу шуур, дарку эҳсоси баланди мусиқӣ дошт. Ангуштони панҷааш зеру бами тору рубоб, ғиҷҷаку сеторро ба навозиш оварда, оҳангро тавлид менамуданд.

Ин гули худрўи боғи ҳунар равия ва сабку услуби хоси овозхонӣ дошт, ба касе тақлид намекард, балки дигарон тақлидаш менамуданд. Аз шунидани таронаҳояш сомеъ ба ҳаяҷон омада, шўру шаре дар ботин пайдо ва гузаргоҳи андеша банд мешавад.

«Шамси  ман», «Гардиши айём», «Чароғи анҷуман», «Ту садбарги кадом боғӣ», «Чашми ман», «Кошонаи хаёл», «Афсун кунам», «Хуршеди ҷамол», «Навҳаи Кова», «Зулфи анбар», «Тамошо кун», «Ба сомон намеравад», «Печии он зулф», «Доғи ту», «Эй фалак», «Манол, эй андалеб», «Ранҷидаӣ», «Айб макун», «Нолаи модар» аз беҳтарин таронаҳояш мебошанд.

Қории Ёвонӣ ду ҳамсар ва 12 фарзанд дошт. Аз миёни ин 12 фарзанд танҳо Акмал Хушвахтов, ки ҳоло дар остонаи сисолагист, касби падарро интихоб кардааст. Дар суҳбаташ бо хабарнигори радиои Озодӣ Орзуи Карим сабаби интихоби роҳи падарро ин гуна шарҳ додааст:  Ба овозхонӣ завқ надоштам, дар як муҳите, ки тобут дар миёни ҳавлиямон буд, мехостанд, ки тобутробарои хоксупорӣ баранд, як ҳиссе манро ба назди падарам бурд, маҷбур кардам, ки кафанро кушоянд. Кушоданд, гуфтам, ки падар дуоям деҳ, ки ман ҳунарманд мешавам. Ба назарам, ки чеҳраи падарам бозтар шуд, мисле ки табассум кард.”

Маводҳои дигар дар ин бахш: Одина Ҳошим »

468446 шарҳ

Шарҳи худро гузоред

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

Тамос бо мо 

Хиёбони Рудакӣ, 33 Душанбе 734025, Ҷумҳурии Тоҷикистон

  • «Фалак» маҷмуи  оҳангу таронаҳои силсилавии мардуми тоҷик буда, бештар дар навоҳии куҳистон маъмул аст, зеро марди кӯҳистонӣ аз дасткӯтоҳиву нодорӣ, нобасомониҳои рӯзгор ба танг омада, роҳ сӯйи кӯҳсор мегирифт ва рӯ ба осмон оварда, фарёд мезад, дарду ғам ва розу ниёзи худро тавассути «нолаву фарёди ҷигарсӯз» алайҳи бедодиву нокомиҳои замона ба додрас – офаридгори оламу одам ифшо менамуд.

Дар бораи мо

«Фалак» – мусиқии суннатии касбии мардуми тоҷик мебошад, ки тӯли асрҳо ҳамчун ифодагари розу ниёз, талабу хостаҳои мардумӣ иҷрои вазифа кардааст. Дар суруди «Фалак», асосан, дубайтӣ ва ё рубоие интихоб мегардад, ки маънои фалсафӣ дошта, ифшогари розу ниёзи мардум бошад.

Суроғаи электронӣ

Бо мо дар тамос шавед бо суроғаи электронӣ